Roten: Mbappe təbliğat aparmasaydı Qızıl Topda ikinci olmazdı

28 oktyabr 2026 — Fransanın sabiq futbolçusu Jerom Roten RMC Sport-da yayımlanan Rothen s'enflamme proqramında Kilian Mbappenin 2026-cı il Qızıl Top səsverməsində ikinci yeri tutmasına münasibət bildirib. Roten deyib ki, Mbappe müsahibələri və ictimai açıqlamalar vasitəsilə aktiv təbliğat kampaniyası aparıb.

Roten bildirib ki, Mbappenin apardığı kampaniya əvvəlkilərdən fərqlənib və onunla yarışanların heç biri belə bir kampaniya aparmağa cəsarət etməyib. Sabiq futbolçunun fikrincə, bu addımlar yekun sıralamaya təsirsiz ötüşməyib.

“O, əvvəlkilərdən fərqli olaraq, əsl kampaniya apardı. Hətta onunla mübarizə aparan digər futbolçular belə bu səviyyədə kampaniya aparmağa cəsarət etmədilər”,

Roten həmçinin əlavə edib: “Düşünürəm ki, bu kampaniya nəticə verdi. Aydındır ki, belə kampaniya aparmasaydı, ikinci yeri tuta bilməzdi”.

Qeyd edək ki, oktyabrın 26-da Londonda keçirilən Qızıl Top mərasimində əsas mükafatı Bayern hücumçusu Harri Keyn qazanıb, Kilian Mbappe isə ikinci olmuşdur.

Mənbə: GettoSport