Sabah Norveçə yola düşdü — Simiç də heyətdədir

2 noyabr 2026 — Bakı. Çempionlar Liqasının qrup mərhələsinin dördüncü turunda Norveç təmsilçisi Vikinqlə səfər oyunu üçün Sabah komandası Stavangerə yola düşüb. Bu barədə Sportal.az məlumat yayıb.

Klubdan bildirilib ki, bayquşlar bu gün saat 15:00-da çarter reysi ilə Stavangerə yola çıxıblar. Komandanın heyətində zədə səbəbindən son oyunda iştirak etməyən yarımmüdafiəçi Velko Simiç də yer alır və onun Vikinqlə görüşdə oynamaq ehtimalı var.

Baş məşqçi Valdas Dambrauskasın mətbuat konfransı noyabrın 3-ü Bakı vaxtı ilə saat 20:30-da keçiriləcək. Mətbuat konfransından təxminən yarım saat sonra komandanın son məşqi planlaşdırılıb.

Vikinq — Sabah qarşılaşması noyabrın 4-də keçiriləcək və oyuna Bakı vaxtı ilə 00:00-da start veriləcək.

Mənbə: Sportal.az

Hazırladı: GettoSport