Sansiro Murao Bakıda ardıcıl ikinci qızılını qazandı

9 oktyabr 2026, Bakı — Yaponiyalı cüdoçu Sansiro Murao 90 kq çəki dərəcəsində Bakıda keçirilən cüdo üzrə dünya çempionatında qızıl medal əldə edib. Yarış Milli Gimnastika Arenasında baş tutub.

Murao finalda həmyerlisi Qoki Tayimaya qalib gələrək ardıcıl ikinci dəfə dünya çempionu olmağı bacarıb. O, uğurunu şərh edərkən ardıcıl qələbələrin üstün olduğunu sübut etməyə çalışdığını və məqsədinə çatdığını bildirib.

Yaponyalı idmançı Azərbaycana üçüncü səfəri olduğunu və ölkənin qonaqpərvərliyini vurğulayıb: “Bu, mənim Azərbaycana üçüncü səfərimdir. Hər dəfə xoş münasibətlə qarşılaşıram. Milli Gimnastika Arenasındakı ab-hava və insanların cüdoya böyük sevgisi həqiqətən çox xoşdur. Azərbaycanın çox gözəl və qonaqpərvər ölkə olduğunu düşünürəm. Xalqınıza təşəkkür edirəm.”

90 kq çəkidə Azərbaycanı təmsil edən Murat Fətiyev bürünc medal əldə edib.