Sara-Leoni Sizik Bakıda xəstəxanaya aparıldı

6 oktyabr 2026 — Fransalı cüdoçu Sara-Leoni Sizik Bakıda keçirilən cüdo üzrə dünya çempionatının 57 kq çəkidəki yarımfinal görüşündə zədə alıb və xəstəxanaya aparılıb.

Yaponiyalı Akari Omori ilə keçirilən yarımfinal epizodunda Omori Siziki fəndlə tatamiyə atıb, nəticədə Sizikin başı tatamiyə dəyib. Həmin fənd hakimlər tərəfindən “ippon” kimi qiymətləndirilib və Omori finala yüksəlib.

Yıxıldıqdan sonra Sizik tatamini öz ayağı ilə tərk edə bilməyib, xərəkdə aparılıb. “L’Equipe”in xəbərinə görə, fransalı idmançı əlavə müayinələr üçün təcili tibbi yardım avtomobili ilə xəstəxanaya çatdırılıb.

Zədə səbəbindən Sizik bürünc medal görüşündə Xorvatiya təmsilçisi Ana Viktoriya Pulizlə qarşılaşa bilməyəcək.

Sara-Leoni Sizikin karyerasında ikiqat Olimpiya çempionluğu, həmçinin bir gümüş və bir bürünc medal var. Bakıda keçirilən cüdo üzrə dünya çempionatı oktyabrın 11-də başa çatacaq.