Tural Rəhimov ACA 209-un çəkisini 500 qram aşdı

29 oktyabr 2026 — Azərbaycanlı MMA döyüşçüsü Tural Rəhimov ACA 209 turniri öncəsi rəsmi çəkidə 68,50 kq göstərərək həmin çəki kateqoriyasının limitini 500 qram aşdı. Turnir oktyabrın 30-da Tacikistanın paytaxtı Düşənbədə keçiriləcək.

Rəhimovun çəkisinin norma aşkarlanmasına baxmayaraq onun qarşılaşması ləğv edilməyib. O, turnirdə Rusiyanı təmsil edən Naşxo Qalayevlə üz-üzə gələcək.

38 yaşlı Sumqayıtlı idmançı “Dəmir adam” ləqəbilə tanınır və peşəkar karyerasında 22 qələbə, 10 məğlubiyyəti var. Rəhimov daha əvvəl Yaponiyanın Rizin və ACA təşkilatlarının yarışlarında çıxış edib.

Onun sonuncu döyüşü 2024-cü ildə Rusiyanın Sankt-Peterburq şəhərində keçirilən ACA 181 turnirində olub; Nikita Prixodkoya qarşı mübarizədə Rəhimov təxminən beş dəqiqə sonra rəqibin qoluna tətbiq etdiyi fəndə görə təslim olmuşdu.

Qeyd edək ki, Absolute Championship Akhmat tərəfindən təşkil olunan ACA 209 proqramında 17 döyüş planlaşdırılır. Gecənin əsas qarşılaşmasında Fəridun Odilov və Artyom Frolov qarşılaşacaqlar.

Mənbə: GettoSport