225 saylı məktəbdə jurnalistlərə hücumda adı hallanan şagird bokslə məşğul imiş

29 oktyabr 2026 — Bakının Yasamal rayonunda yerləşən 225 saylı orta məktəbdə oktyabrın 28-də jurnalistlərə qarşı törədilən hücumda adı hallanan məktəbli H.T.-nin boksla məşğul olduğu və Azərbaycan Boks Federasiyasının tədbirlərində iştirak etdiyi məlum olub.

Hadisə məktəbdə 7-ci sinif şagirdinin dərs zamanı pəncərədən yıxılmasıyla əlaqədar televiziya çəkiliş qruplarının əraziyə gəlməsi zamanı baş verib. Məktəb həyətində REAL TV-nin operatoru və stajoru ilə bir qrup şəxs arasında qarşıdurma yaranıb; operator və stajor müxtəlif dərəcəli bədən xəsarətləri alıblar. Həmçinin Space telekanalının əməkdaşının da döyüldüyü bildirilir.

Ötən gün insidentdən bir neçə saat sonra adı hallanan H.T. sosial şəbəkədə paylaşıma rəy yazaraq “Heç kim bilib-bilmədən fikir bildirməsin” deyib. Mənbələr polis tərəfindən saxlanılanların olduğunu və hazırda olayla bağlı araşdırma aparıldığını qeyd edir.

Faktla bağlı rəsmi qurumların açıqlamalarına dair əlavə məlumat verilməyib; istintaq davam edir.

Mənbə: GettoSport