Tyerri Anri Yamalla bağlı mübahisəyə izahat verdi

28 oktyabr 2026 — Fransız futbol əfsanəsi Tyerri Anri Qızıl top mərasimində Lamin Yamal ilə bağlı yaranan mübahisəyə münasibət bildirib və baş verənlərə aydınlıq gətirmək istədiyini söyləyib.

Anri tədbirdəki dialoqu ətrafında yaranan səs-küyə reaksiya verərək bildirib ki, məqsədi Lamin Yamalın qüruruna toxunmaq və ya egosuna zərər vermək olmayıb. O qeyd edib: “Bir çox insanın ‘Qızıl top’ mərasimində baş verənlər barədə danışdığını gördüm. Buna görə də bəzi məqamlara aydınlıq gətirmək istəyirəm. Əslində, bu qədər səs-küyə səbəb olacaq bir şey yoxdur.”

Anri həmçinin deyib ki, sualı — Yamalın bu mükafatı həqiqətən qazanmaq istədiyi olub-olmadığı — zalda bir çox insanı güldürüb. O bildirib: “İlk növbədə, Lamin Yamalın qüruruna toxunmaq və ya eqosuna zərər vermək niyyətim qətiyyən olmayıb... Sadəcə, bunun həqiqətən də qazanmaq istədiyi mükafat olub-olmadığını soruşdum. Çünki ‘Qızıl top’un mərasimin daha sonrakı hissəsində təqdim ediləcəyini bilirdim. Təəssüf ki, Lamin həmin mükafatı qazana bilmədi.”

Anri Lamin Yamalın böyük pərəstişkarı olduğunu vurğulayıb: “Mən Lamin Yamalın böyük pərəstişkarıyam... Onu çox sevirəm. Onun çıxışını izləmək üçün məmnuniyyətlə pul ödəyərəm.” O həmçinin bəzi insanların zarafatı bəyənmədiyini başa düşdüyünü və məsələnin başqa istiqamətə çəkilməməsini xahiş edib.

Mənbə: GettoSport