U-15 Dünya Çempionatının oyun cədvəli match.affa.az-da yerləşdirildi

26 oktyabr 2026 — Bakıda təşkil olunan FIFA U-15 Dünya Çempionatı və Festivalı çərçivəsində keçirilən oyunlar və əlaqəli məlumatlar match.affa.az saytında istifadəyə verilib.

Yeni portaldan azarkeşlər turnirin təqvimi, oyunların keçiriləcəyi stadionlar, nəticələr və ümumi turnir cədvəlini əldə edə bilərlər. Saytda həmçinin Azərbaycan U-15 millisinin matçlarına dair məlumatlar yer alır.

match.affa.az platforması yalnız bu turnirlə məhdudlaşmır — portalda AFFA Gənclər Liqası və digər aşağı yaş qrupları üzrə yarışların statistik göstəriciləri, heyətlər və oyun cədvəlləri də təqdim olunur. Yarışa dair təfərrüatlar match.affa.az/fifa-u15 bölməsində yerləşdirilib.

Mənbə: GettoSport