Üzməyi öyrənək layihəsi 8-ci dəfə noyabr-dekabrda keçiriləcək

3 noyabr 2026, Çərşənbə axşamı. Gənclər və İdman Nazirliyi, Məktəbəqədər və Ümumi Təhsil üzrə Dövlət Agentliyi və Azərbaycan Üzgüçülük Federasiyasının birgə təşəbbüsü ilə "Üzməyi öyrənək" layihəsi 2026-cı ilin noyabr–dekabr aylarında 8-ci dəfə həyata keçiriləcək. Bu barədə Sportinfo.az məlumat yayıb.

Layihə 1–8-ci sinif şagirdlərini əhatə edəcək və məşqçilərin rəhbərliyi altında bir ay müddətinə ödənişsiz üzgüçülük təlimləri təşkil olunacaq. Proqramın əsas məqsədi məktəblilərə üzgüçülük bacarıqlarını öyrətmək, suda təhlükəsiz davranış vərdişlərini formalaşdırmaq və sağlam həyat tərzinin təşviqinə töhfə verməkdir.

Layihənin ölkə üzrə 33 idman obyektində keçirilməsi və 60 məktəbin iştirakının nəzərdə tutulduğu bildirilib. Təlimlər zamanı şagirdlərə üzgüçülüyün əsas bacarıqları və su təhlükəsizliyi qaydalarına xüsusi diqqət yetiriləcək, onların idmana marağının artırılması hədəflənir.

Proqram çərçivəsində məşğələlər Kür Olimpiya Tədris-İdman Mərkəzində və aşağıdakı şəhər və rayonların Olimpiya İdman Komplekslərində keçiriləcək:

• Abşeron
• Ağcabədi
• Ağdaş
• Balakən
• Beyləqan
• Biləsuvar
• Cəlilabad
• Gəncə
• Goranboy
• Göyçay
• Göygöl
• Hövsan
• Xaçmaz
• İsmayıllı
• Kürdəmir
• Qax
• Qazax
• Qəbələ
• Quba
• Qusar
• Lənkəran
• Neftçala
• Oğuz
• Saatlı
• Salyan
• Sumqayıt
• Şəki
• Şəmkir
• Şirvan
• Tərtər
• Yevlax
• Zaqatala

Mənbə: Sportinfo.az

Hazırladı: GettoSport