Vüqar Mustafayev bir oyunluq diskvalifikasiya olundu

31 oktyabr 2026, Şənbə Bu barədə Sportinfo.az məlumat yayıb.

UEFA-nın Nəzarət, Etika və İntizam Orqanı oktyabrın 4-də keçirilən Azərbaycan–Litva Millətlər Liqası oyununa görə Azərbaycan millisinin məşqçisi Vüqar Mustafayevə bir oyunluq diskvalifikasiya cəzası tətbiq edib.

Qərara əsasən, Mustafayev idman prinsiplərinə zidd davranışa yol verdiyi üçün noyabrın 13-də səfərdə Lixtenşteynlə keçiriləcək oyunda texniki zonada yer ala bilməyəcək.

Həmin iclasda Azərbaycan tərəfinə oyun meydançasının vəziyyəti və topdaşıyan uşaqların davranışı ilə bağlı xəbərdarlıqlar verilib.

Eyni prosesdə Litva millisinin futbolçusu Armandas Kuçis 90+7-ci dəqiqədə matçın rəsmisinə təhqiramiz ifadələr işlətdiyi üçün iki oyunluq diskvalifikasiya olunub.

Palms Sports Arena-da təşkil olunmuş oktyabrın 4-dəki qarşılaşma Azərbaycan yığmasının 1:0 hesablı qələbəsi ilə nəticələnmişdi.

Mənbə: Sportinfo.az

Hazırladı: GettoSport