Ayxan Abbasov U-15-in dünya çempionatındakı çıxışını dəyərləndirdi

28 oktyabr 2026, Bakı. Azərbaycan millisi baş məşqçisi Ayxan Abbasov FİFA U-15 dünya çempionatında çıxış edən yığmamızın performansı və bu turnirin gənclər üçün rolunu dəyərləndirib.

Abbasov bildirib ki, turnirdə iştirak uşaqlar üçün böyük təcrübədir və müxtəlif ölkələri görməyin, beynəlxalq səviyyədə oynamağın önəmi böyükdür. O, bu təcrübənin həmin futbolçuların karyerasında əhəmiyyətli yer tutacağını vurğulayıb:

“Əsas odur ki, bu turnirdə iştirak edək, təcrübə qazanaq, fərqli ölkələri görək. Dediyim kimi, bu, həmin uşaqların karyerasında böyük bir məqam olacaq. 15 yaşında dünya çempionatında iştirak etmək həmişə yaddaşlarında qalacaq.”

Baş məşqçi eyni zamanda bu yaş dövründə oyunçuların fiziki göstəriciləri haqda qəti nəticə çıxarmağın tez olduğunu bildirib. O, nümunə olaraq Uruqvay komandasını izlədiyini və onların da fiziki göstəricilər baxımından yaxşı olduqlarını qeyd edib:

“Burada yaxşı komandalar çoxdur. Bu yaşda tam fikir söyləmək olmaz. Bilirsiz ki, uşaqların inkişaf dövrü 17-19 yaşa qədər dəvam edir. Bu göstəricilər dəyişəcək. Bugünkü vəziyyətlə kifayətlənib, hansısa qərar verə bilmərik. Çünki futbolçuların fiziki göstəriciləri 19-20 yaşa qədər dəyişir.”

Abbasovun fikrincə, əsas məqsəd gənclərə beynəlxalq təcrübə qazandırmaq və gələcək inkişaf üçün zəmin yaratmaqdır.

Mənbə: GettoSport