Beşir Bellumi Arsenalın diqqətini çəkib

26 oktyabr 2026 — İngiltərənin Premier Liqa komandası Arsenal Hull City-nin əlcəzairli sağ cinah oyunçusu Beşir Belluminin xidmətlərini izləyir və onun transferinə maraq göstərir.

Fanatik nəşrinə istinadən yayılan məlumatda London klubunun Bellumini yaxından izlədiyi, futbolçunun İngiltərə futboluna uyğunlaşmaq bacarığı və potensialından razı olduğu vurğulanır.

Hull City-nin sahibi Acun Ilıcalı mətbuata verdiyi açıqlamada Bellumini “qeyri-adi futbolçu” adlandırıb: “Özümü tanıyandan futbol dünyasının içindəyəm. Bu il diqqət yetirəcəyim futbolçu, şübhəsiz ki, Bellumidir. O, qeyri-adi futbolçudur. Hələ çox şey edə bilər. Qəribə futbolçudur, onu izləməyi tövsiyə edirəm”.

Məlumata görə, əgər Bellumi ayrılmaq istədiyini açıq bildirsə, Hull City onun transferinə mane olmayacaq. Transfer qiymətinin 28,5–40 milyon avro arasında dəyişə biləcəyi qeyd olunub.

Hazırda klublar arasında rəsmi təklif və ya razılaşma barədə məlumat verilməyib.

Mənbə: GettoSport