Ələkbər Həsənov Gəncəni qələbəyə çağırdı

29 oktyabr 2026 — Təcrübəli basketbol hakimi Ələkbər Həsənov LANDAU Lions-un Denizli Basket üzərində əlavə vaxtda qazandığı qələbəni qiymətləndirib və bu gün saat 19:00-da Gəncə İdman Sarayında keçiriləcək Gəncə – Sportinq oyununda Gəncəni azarkeşlərini sevindirməyə çağırıb.

Həsənov bildirib ki, LANDAU Lions üçüncü perioddan sonra ardıcıl səhvlərə yol verib, lakin dördüncü periodun sonunda Ceyms Freyzerin möhtəşəm çıxışı komandanı əlavə vaxta daşıyıb və nəticədə qələbə təmin olunub. O, matçın rəngarəng olduğunu və izləyicilərə yaxşı basketbol nümayiş etdirildiyini vurğulayıb:

“Dördüncü periodun sonunda Ceyms Freyzerin möhtəşəm performansı sayəsində ‘LANDAU Lions’ oyunu əlavə vaxta daşıdı. Nəticədə qələbə qazandı və bütün izləyicilərə əla, rəngarəng basketbol nümayiş etdirdi”.

Gəncə – Sportinq qarşılaşmasına toxunan Həsənov komandaya çağırış edib: “‘Gəncə’ bu gün bütün gücünü ortaya qoymalıdır. Qələbə qazana bilməyən komanda artıq bu uğursuz seriyaya son qoymalıdır. ‘Gəncə’ azarkeşlərinə və bütün basketbolsevərlərə qələbə sevinci yaşatmaq üçün əlindən gələni etməlidir. Çünki bizə qələbə yaraşır!”

Mənbə: GettoSport