Panatinaikos sahibi klubun brendini Real Madriddən üstün görür

29 oktyabr 2026 — Panatinaikos-un sahibi Dimitris Yannakopulos klubun əsas məqsədinin Avropada Real Madrid səviyyəsində tanınan brend yaratmaq olduğunu açıqlayıb. O, bu fikri Afina təmsilçisinin son illərdəki inkişafı, Avropada mövqeyinin bərpası və ev arena yatırımları fonunda səsləndirib.

Yannakopulos bildirib ki, klub son illərdə düzgün inkişaf yolunu tapıb, Avropa basketbolunun liderləri sırasına qayıdıb və ev arenasının modernləşdirilməsinə ciddi sərmayə yatırıb. Klub sahibi həmçinin məşq, komanda işi və infrastrukutraya yönəlik addımların brendin böyüməsinə xidmət etdiyini qeyd edib.

Klub sahibinin sözlərinə görə, hazırda Afina təmsilçisinin ev oyunlarının ab-havası bəzən Real Madrid-dən üstün ola bilər: "Əgər indi Avropada kimdənsə soruşsanız, hansı arenada oyun izləmək istərdi, düşünmürəm ki, o, Real Madrid-in ev oyununu seçər. Çox güman, bizim arenamıza gəlmək istər". Yannakopulosun açıqlamaları klubun yaxın gələcəkdə daha geniş brend hədəflərinə doğru addım atacağını nümayiş etdirir.

Mənbə: GettoSport