Ezekiel Qarfanyoli İtaliya mətbuatının diqqətini çəkdi

28 oktyabr 2026. Rosario Sentralın və Argentina U15 komandasının hücumçusu Ezekiel Qarfanyoli Bakıda keçirilən 15 yaşadək futbolçular arasında dünya çempionatındakı çıxışı ilə İtaliya mətbuatının diqqətini çəkib.

2011-ci il yanvarın 1-də anadan olan Qarfanyoli qrup mərhələsində ümumilikdə beş qol vurub və Argentina millisinin ən məhsuldar futbolçusu olub. O, Çin Taypeyi ilə oyunda komandasına 1:0 hesablı qələbəni təmin edən yeganə qolun müəllifi olub, Oman üzərində 5:1 hesablı görüşdə het-trik edib və Malavi ilə qarşılaşmada (4:2) də fərqlənib.

İtaliya nəşri onun oyununu cərimə meydançasındakı fürsətlərdən məharətlə istifadə etməsi, topsuz hərəkətləri və qol duyumu ilə xarakterizə edib və Qarfanyolinin stilini Mateo Reteqiyə bənzədib. Nəşr gənc oyunçunu “Günün istedadı” rubrikasında təqdim edib.

Argentina qrup mərhələsində beş oyundan dördündə qələbə qazansa da, Əlcəzairə 0:1 hesablı məğlubiyyət səbəbindən qrupda ikinci yeri tutub və əsas mərhələ üçün iddiasını itirib; komanda turnirdə B səviyyəsində çıxışını davam etdirir.

Mənbə: GettoSport