Finn Yelçə qarşı Barselona yanvarda təklif hazırlayır

28 oktyabr 2026 — La Liqa klubu Barcelona yanvarda Ştutqartın 20 yaşlı mərkəz müdafiəçisi Finn Yelçi heyətinə qatmağı nəzərdən keçirir. Transferə baş məşqçi Hansi Flikin razılıq verdiyi bildirilir.

Klubun planlaşdırdığı addımın reallaşmasına Ştutqartın tələb etdiyi məbləğin təsir edə biləcəyi vurğulanır — alman klubu Yelç üçün 60 milyon avrodan çox vəsait istəyir ki, bu da keçidi çətinləşdirə bilər.

Bununla yanaşı, İngiltərədən Liverpool və Arsenal, İspaniyadan Real Madrid və Atletico Madrid klublarının da 20 yaşlı müdafiəçi ilə maraqlandığı qeyd olunur.

Finn Yelç 2025-ci ilin fevralında Ştutqarta Nurnberqdən transfer olunub və o vaxtkı keçid üçün 9,5 milyon avro ödənilib. Almaniya millisinin üzvü cari mövsümdə bütün turnirlərdə komandası üçün 10 oyunda meydana çıxıb və 1 məhsuldar ötürmə reallaşdırıb.

Mənbə: GettoSport