Generali Stadium adı verildi — Milan və İnter 20 ildə 650 mln avro qazanacaq

30 oktyabr 2026, Cümə — Milan və İnterin birgə inşa etdikləri yeni stadionun ad hüquqları Avropanın ən böyük sığorta şirkətlərindən biri olan Assicurazioni Generali tərəfindən alınıb və arena Generali Stadium adlandırılacaq.

Stadionun 2031/32 mövsümündə istifadəyə verilməsi planlaşdırılır. Hər iki klubla bağlanan 20 illik ad hüquqları müqaviləsi ümumilikdə 650 milyon avro dəyərində qiymətləndirilir. Klub rəsmiləri bu razılaşmanı dünya miqyasında ən əhəmiyyətli kommersiya tərəfdaşlıqlarından biri hesab edirlər.

Müqavilənin şərtlərinə görə, beynəlxalq səviyyədə keçirilən matçlarda arenanın adı dəyişdirilərək sığorta şirkətinin adı çıxarılacaq.

Yeni stadion layihəsi Milan və İnterin uzunmüddətli kommersiya potensialını artırmaq məqsədi daşıyır və ad hüquqlarından əldə olunacaq gəlirlər hər iki klubun gələcək investisiyalarına yönəldiləcək.

Mənbə: GettoSport