Messi Newell's Old Boys-a qayıda bilər, keçid 2027 yanvarında

30 oktyabr 2026 — İnter Mayami-nin hücumçusu Lionel Messi karyerasını Argentinada davam etdirə bilər: ən son məlumatlara görə 39 yaşlıası 2027-ci ilin yanvarında Newell's Old Boys-un heyətinə qoşula bilər.

Mənbə Estadio 3-ə istinadən bildirir ki, Messi karyerasının ilk illərində çıxış etdiyi kluba qayıtmağa indiyə qədər olduğundan daha yaxın vəziyyətdədir. Argentina çempionatında yeni mövsümün həmin ayın sonunda başlaması gözlənilir.

Bununla belə, futbolçunun hazırda Amerika klubuyla qüvvədə olan müqaviləsi 2028-ci ilin dekabr ayının sonuna qədər nəzərdə tutulub.

Messi 2023-cü ilin yayından bəri Inter Mayami formasını geyinir. Bu müddət ərzində o, bütün turnirlərdə 122 oyuna çıxaraq 106 qol vurub və 58 məhsuldar ötürmə edib.

Transfermarkt portalı argentinalı ulduzun bazar dəyərini 15 milyon avro (təxminən 30 milyon manat) qiymətləndirir.

Mənbə: GettoSport