Karvaxal: Real Madrid-də münaqişələr əlbəyaxa çatıb

29 oktyabr 2026 — "Real Madrid"in sabiq kapitanı Dani Karvaxal El Larguero proqramındakı müsahibəsində komanda daxilində vaxtilə tez-tez ciddi münaqişələrin yaşandığını və bəzən bu qarşıdurmaların əlbəyaxa davaya qədər getdiyini bildirib.

34 yaşlı müdafiəçi ötən mövsüm Federiko Valverde ilə Orelyen Tçuameni arasında baş verən insidentə də münasibət bildirib. Karvaxalın sözlərinə görə, həmin vaxt qarşıdurma nəticəsində uruqvaylı futbolçu başından zədə alıb və klub hər iki oyunçunu cərimələyib.

Karvaxal hadisənin ciddiliyini yüngülləşdirərək belə deyib: “Xeyr, bu, elə də ciddi hadisə deyildi. Mən uzun illər “Real Madrid”də çıxış etmişəm və deyə bilərəm ki, bəzən iş hətta əlbəyaxa davaya qədər gedib çıxırdı. Ancaq bunun heç bir ciddi nəticəsi olmurdu”.

Sabiq kapitanı daha çox narahat edən məqam isə münaqişə barədə məlumatın qısa müddətdə mətbuata sızması olub: “Bu vəziyyətdə ən qəribə məqam məlumatın sızmasıdır. Cəmi yarım saat sonra xəbər mətbuatda yayıldı. Əminəm ki, soyunub-geyinmə otağında baş verən hər şey komandanın daxilində qalmalıdır”.

Xatırladaq ki, Dani Karvaxal hazırda "Xetafe" klubunda çıxış edir.

Mənbə: GettoSport