Murad Əliyev İstanbulda WBC Silver kəməri uğrunda döyüşəcək

28 oktyabr 2026. Azərbaycanlı peşəkar boksçu Murad Əliyev 7 noyabr 2026-cı il tarixində Türkiyənin İstanbul şəhərində Ülker Arena stadionunda keçiriləcək beynəlxalq boks gecəsində WBC Silver kəməri uğrunda mübarizə aparacaq. Əsas qarşılaşma 12 raund olacaq və qalib ağır çəkidə vakant WBC Silver kəmərinə sahib çıxacaq.

31 yaşlı Murad Əliyevin rəqibi məğlubiyyətsiz türk boksçu Umut Çamkırandır. Əliyev peşəkar karyerasında 16 döyüş keçirib, 15 qələbə (onlardan 11-i nokaut) və 1 məğlubiyyəti var. O daha əvvəl WBC International Silver titulunu qazanıb, 2026-cı il mayın 23-də Almaniyada Rafael Akpeciorini məğlub edərək vakant titulun sahibi olmuşdu.

İstanbul boks gecəsində Azərbaycan bayrağı altında daha üç idmançı da çıxış edəcək. Onların qarşılaşmaları və rəqibləri belədir:

• Fuad Tarverdi — italiyalı Luis Vela ilə WBC International kəməri uğrunda;
• İsmət Eynullayev — xorvatiyalı Luka Plantiç ilə;
• Kazım Umudov — yunanıstanlı Konstantinos Plateas ilə (ağır çəki).

Tədbirdə ümumilikdə doqquz döyüş nəzərdə tutulub; afişada, həmçinin Oleksandr Hutsiv - Akani Putzi, Çarles Çituka - Tarık Sözer və digər qarşılaşmalar yer alır. Yarışı Topuz Sports Management və Arena Box Promotion təşkil edir.

Mənbə: GettoSport