Tofiq Musayev Meta UFC reytinqində Fiziyevi qabaqladı

28 oktyabr 2026 — Azərbaycanlı MMA döyüşçüsü Tofiq Musayev Meta UFC Rankings-in yenilənmiş yüngül çəki reytinqində 13-cü sırada yer alaraq həmyerlisi Rafael Fiziyevı qabaqlayıb. Fiziyev reytinqdə iki pillə geriləyərək 14-cü olub.

Reytinq və metodologiya

Meta UFC Rankings 2026-cı ilin iyununda UFC və Meta şirkətinin birgə təqdim etdiyi yeni rəsmi reytinq sistemidir. Bu sistem idman mediası nümayəndələrinin səsverməsinə əsaslanan ənənəvi reytinqdən fərqli olaraq döyüşçülərin mövqelərini alqoritm vasitəsilə hesablayır; nəzərə alınan meyarlara rəqiblərin səviyyəsi, qələbə üsulları, döyüşçülərin aktivliyi və son döyüşdən keçən müddət daxildir.

Meta reytinqində yüngül çəkidə çempion Castin Qeyci liderdir, iddiaçılar siyahısında isə İlia Topuriya ilk sırada yer alır.

UFC-nin ənənəvi media reytinqində isə vəziyyət fərqlidir: orada Rafael Fiziyev 11-ci pillədədir, Tofiq Musayev isə ənənəvi siyahıda ilk 15-liyə düşmür.

Musayev sonuncu döyüşünü 1 avqust 2026-cı il tarixində Belqradda keçirib və slovakiyalı Lyudovit Kleyni ikinci raundda texniki nokautla məğlub edib. Rafael Fiziyev isə 27 iyun 2026-cı il tarixində Bakıda mexskalalı Manuel Torresi ikinci raundun 15-ci saniyəsində nokauta salıb.

Hər iki döyüşçünün növbəti rəsmi qarşılaşması hələ elan olunmayıb.

Mənbə: GettoSport