Qadınlar Super Liqası oyunları DAZN-də yayımlandı

07 noyabr 2026 — AFFA ilə FIFA arasında bağlanmış lisenziya müqaviləsinə əsasən Qadınlar Super Liqasının IV turunun iki oyunu FIFA+ TV vasitəsilə DAZN yayım platformasında canlı yayımlandı. Bu barədə Sportal.az məlumat yayıb.

Bugün, noyabrın 7-də, saat 12:00-da “Sumqayıt” – “Araz-Naxçıvan” və saat 13:00-da “Neftçi” – “Liman” görüşləri DAZN platformasında tamaşaçılara təqdim olundu.

Lisenziya müqaviləsi müddətində — 2028-ci il sentyabrın 1-dək — AFFA-nın təşkil etdiyi seçilmiş yarışların və video məzmunun yayımlanması nəzərdə tutulub. Proqrama Azərbaycanın qadınlardan ibarət milli komandasının yoldaşlıq və UEFA Millətlər Liqasının seçmə görüşləri, aşağı yaş qrupları üzrə liqalar, Qadınlar Super Liqası, həmçinin sənədli filmlər və tələb üzrə video materiallar daxildir.

Yayımın FIFA+ TV kanalı vasitəsilə DAZN-də təqdim olunması AFFA-nın beynəlxalq tərəfdaşlığı çərçivəsində məzmunun daha geniş auditoriyaya çatdırılması məqsədini daşıyır.

Mənbə: Sportal.az

Hazırladı: GettoSport