Qızıl top saytında səhv — qalib fotosu vaxtından əvvəl yayıldı

26 oktyabr 2026 — Bu gün Londonda keçiriləcək 70-ci Qızıl top (Ballon d'Or) təqdimatından əvvəl təşkilatçıların rəsmi saytında diqqətçəkən səhv qeydə alınıb: ballondor.com saytına qalib olduğu iddia edilən futbolçuların fotoları vaxtından əvvəl yerləşdirilib və daha sonra silinib.

Səhifədə "Bavariya"nın hücumçusu Harri Keyn, "Barselona"nın oyunçusu Lamin Yamal və "Real Madrid"dən Kilian Mbappenin şəkilləri göründüyü, yayımlandıqdan sonra həmin görüntülərin sosial şəbəkələrdə paylaşılmağa başladığı bildirilir.

Saytdan silinməsinə baxmayaraq, yayılan materiallar Qızıl top qalibinin əvvəlcədən məlum olması barədə müzakirələrə yol açıb. Hazırda yayılan fotoların konkret olaraq hansı futbolçunun mükafatı qazandığını təsdiqlədiyi barədə dəqiq məlumat yoxdur.

Mərasim Bakı vaxtı ilə saat 00:00-da başlayacaq. Qalib 100 jurnalistin səsverməsi əsasında müəyyənləşəcək; səs verən jurnalistlər FIFA reytinqində ilk 100 yeri tutan ölkələrdən təmsilçilərdir.

Mənbə: GettoSport