Tural Rəhimov Düşənbədə ACA 209-da döyüşəcək

27 oktyabr 2026 — Azərbaycanlı MMA döyüşçüsü Tural Rəhimov oktyabrın 30-da Tacikistanın paytaxtı Düşənbədə keçiriləcək ACA 209 turnirində iştirak edəcək. Rəhimovun rəqibi Rusiyanı təmsil edən Naşxo Qalayevdir və qarşılaşma yarım yüngül (65,8 kq-dək) çəki dərəcəsində, ilkin döyüşlər proqramı çərçivəsində baş tutacaq.

Döyüşçülərin rekordu və təcrübəsi

38 yaşlı Tural Rəhimov peşəkar karyerasında 22 qələbə və 10 məğlubiyyətə malikdir. Onun 34 yaşlı rəqibi Naşxo Qalayev isə 13 qələbə və 10 məğlubiyyət qeydə alıb. Rəhimov daha əvvəl Yaponiya promouşeni Rizin-in turnirlərində, o cümlədən Bakıda keçirilən yarışda çıxış edib və həmçinin ACA-nın müxtəlif turnirlərində təcrübəsi var.

ACA 209 təşkilatın 11 illik fasilədən sonra Tacikistana qayıdışını qeyd edəcək tədbirdir. Ümumilikdə gecə boyu 17 döyüşün keçirilməsi planlaşdırılır.

Gecənin əsas qarşılaşmasında Tacikistan təmsilçisi Fəridun Odilov orta çəkidə rusiyalı Artyom Frolovla üz-üzə gələcək.

Mənbə: GettoSport