Real Madrid hakimlər korpusunda narahatlıq yaradıb

13 oktyabr 2026 — İspaniya Hakimlər Texniki Komitəsinin müxtəlif səviyyələrində "Real Madrid" ilə münasibətlərin gərginləşdiyi barədə narahatlıq ifadə olunub. Məlumatlara görə, komitə cari mövsümdə hakimlərə tribunalar, media və klub mediası tərəfindən göstərilən təzyiqin artdığını qeyd edir.

Cadena SER radiosunun verdiyi xəbərə görə, hakimlər korpusu xüsusilə oktyabrın 25-də La Liqanın 10-cu turunda keçiriləcək "Real Madrid"–"Barselona" (El-Klasiko) qarşılaşması ərəfəsində vəziyyətin daha da gərginləşəcəyindən ehtiyat edir.

Hakimlər Texniki Komitəsi Madrid klubu ilə münasibətlərdə gərginliyi azaltmaq istiqamətində addımlar atmağa çalışır. Lakin komitənin bildirdiyinə görə, son bir neçə ay ərzində təşkil olunan görüşlərin heç birində "Real Madrid"in nümayəndələri iştirak etməyiblər.

Komitənin narahatlığı hakimlərə qarşı təzyiqlərin artması və gələcək böyük oyunlarda bu gərginliyin hakim qərarlarına təsir göstərə biləcəyi ehtimalı ilə bağlıdır. El-Klasikonun yaxınlaşması kontekstdə məsələnin ictimailəşməsi diqqət çəkir.

Mənbə: GettoSport