Real Madrid Vinisiusun davranışından narazıdır

İspaniyanın “Real Madrid” klubunun rəhbərliyi Vinisius Juniorun La Liqanın səkkizinci turunda “Vilyarreal” ilə keçirilən matçdakı davranışından narahatlıq duyub. Narazılığa səbəb braziliyalı hücumçunun qarşılaşmanın ikinci hissəsində rəqibə qarşı kobudluq edərək qırmızı vərəqə ilə meydandan qovulması olub.

Madrid təmsilçisində hesab edirdilər ki, futbolçu artıq emosiyalarını idarə etməyi və meydandakı münaqişəli vəziyyətlərdən yayınmağı öyrənib. Lakin növbəti aqressiya halı rəhbərliyi onun bu istiqamətdəki irəliləyişinə şübhə ilə yanaşmağa vadar edib. Klubda oyunçunun əvvəllər dəfələrlə intizam problemlərinə yol açan vərdişlərinə qayıda biləcəyindən ehtiyat edirlər.

Xatırladaq ki, Joze Mourinyunun baş məşqçisi olduğu “Real Madrid” “Vilyarreal” üzərindən qazanılan ev qələbəsindən sonra İspaniya La Liqasının turnir cədvəlində üçüncü pillədə qərarlaşıb.

Mənbə: GettoSport