Şəki Ceyhun Həsənli ilə liqaya qayıtmağı hədəfləyir

7 noyabr 2026 — Şəki klubu yeni baş məşqçi Ceyhun Həsənli ilə Azərbaycan Basketbol Liqasına qayıtmağı əsas hədəf qoyub. Həsənli təyinatı barədə klub rəhbərliyinə və federasiyaya təşəkkür etdiyini bildirib və komandanı növbəti mövsüm üçün formalaşdırmaq planlarından danışıb. Bu barədə Sportinfo.az məlumat yayıb.

Ceyhun Həsənli: "Şəki mənim üçün sadəcə bir komanda deyil, eyni zamanda evimdir. Mən bu torpağın yetirməsiyəm və burada olmaq mənim üçün xüsusi əhəmiyyət daşıyır. Ötən iki mövsüm ərzində baş məşqçimiz Bədrı Meriçdən çox şey öyrəndik. İndi isə onun qoyduğu təməl əsasında işi davam etdirəcəyik."

Həsənli yerli oyunçulara daha çox şans verəcəyini, reqlamentə uyğun olaraq komandada cəmi bir əcnəbi basketbolçu olacağını və Gəncə klubunda çıxış edən bəzi oyunçuların da heyətə qoşulacağını açıqlayıb. O, məqsədin Azərbaycan Basketbol Liqası 2-də ön sıralarda yer alıb əsas liqaya daha güclü şəkildə qayıtmaq olduğunu vurğulayıb.

Əlavə olaraq qeyd olunur ki, Azərbaycan Basketbol Liqası 2-də yeni mövsüm noyabrın sonlarında başlayacaq.

Mənbə: Sportinfo.az

Hazırladı: GettoSport