Serxio Ramos Cud Bellingemin Calvin Klein reklamını tənqid etdi

3 noyabr 2026 — Real Madridin keçmiş kapitanı Serxio Ramos ingilis yarımmüdafiəçi Cud Bellingemin Calvin Klein brendi üçün çəkildiyi reklam kampaniyasını tənqid edib. Ramos açıqlamasında gənc futbolçuların kommersiya müqavilələrini seçərkən daha diqqətli olmalarının vacib olduğunu vurğulayıb. Bu barədə Offsideplus.az məlumat yayıb.

Ramos bildirib ki, Bellingem kimi oyunçular yalnız öz oyunları ilə deyil, eyni zamanda nümunəvi imici ilə də məsuliyyət daşıyırlar: "Düzünü desəm, Cudun o reklamı qəbul etməsi doğru deyildi. O, fantastik futbolçudur, lakin bəzən peşəkar idmançı olmağın gətirdiyi məsuliyyəti anlamaq lazımdır. O, futbolun ən böyük simalarından biridir və milyonlarla gənc azarkeş ona baxıb örnək götürür."

O, həmçinin kommersiya seçimlərində məhdudiyyətlərin lazım olduğunu vurğulayıb: "Hər kommersiya imkanını qəbul etməyə dəyməz. Futbolçular başa düşməlidirlər ki, onların imici meydançadakı performansları qədər əhəmiyyətlidir. Modellik və ya reklamçılığa qarşı heç nəyim yoxdur, lakin müəyyən məsələlərdə hədlər olmalıdır."

Ramos Bellingemə məsləhət və prioritetlər mövzusunda da fikirlərini bölüşərək əlavə edib: "Cud hələ gəncdir və mənə görə onun yanında ona düzgün məsləhət verə biləcək insanlara ehtiyacı var. Sırf pul cəbedici olduğu üçün hər təklifi qəbul etmək məcburi deyil. Onun prioriteti futbol, titullar qazanmaq və öz mirasını qurmaq olmalıdır."

Mənbə: Offsideplus.az

Hazırladı: GettoSport