Karvaxalın Xetafe keçidi La Liqa yoxlamasına düşdü

8 oktyabr 2026 — İspaniya millisinin və uzun illər Real Madrid klubunun üzvü Dani Karvaxalın Xetafe klubu ilə mümkün keçidi La Liqanın maliyyə nəzarəti tərəfindən yoxlanışa alınıb. La Liqa ekspertləri müdafiəçinin yeni klubunda alacağı maaşın real olub-olmadığını qiymətləndirirlər.

Verilən məlumata görə, 34 yaşlı futbolçu Real Madrid-də illik təxminən 10 milyon avro (təxminən 19,095 milyon manat) məvacib alırdı. Xetafe tərəfindən təklif edilən məbləğ isə ildə 400 min avro (təxminən 763 800 manat) təşkil edir və məhz bu fərq La Liqanın diqqətini çəkib.

La Liqa qaydalarına görə, klublar və müstəqil maliyyə ekspertləri oyunçuların yaşı, əvvəlki gəlirləri, bazar dəyəri və müqavilə şərtlərini nəzərə alaraq təklif olunan maaşın real olub-olmadığını yoxlayırlar. Bu nəzarətin əsas məqsədi müqavilələrdə aşağı maaş göstərməklə əlavə ödənişlərin qeyri-rəsmi şəkildə həyata keçirilməsinin qarşısını almaqdır.

Qeyd olunur ki, Karvaxal hazırda azad agent statusundadır. Transfer pəncərəsi bağlandıqdan sonra da, əgər təklif La Liqa tələblərinə cavab verərsə, o zaman futbolçu Xetafe-yə keçə bilər.