Uşanqi Kokauri Əbu-Dabidə gümüş medal qazandı

31 oktyabr 2026 — Birləşmiş Ərəb Əmirliklərinin paytaxtı Əbu-Dabidə keçirilən "Böyük Dəbilqə" turnirinin son günündə Azərbaycan cüdoçusu Uşanqi Kokauri (+100 kq) gümüş medal qazanıb. Finalda o, gürcüstanlı İrakli Demetraşviliyə məğlub olub. Bu barədə Offsideplus.az məlumat yayıb.

Təfərrüatlar

Eyni çəkidə çıxış edən digər Azərbaycan təmsilçisi Camal Qamzatxanov 1/8 finalda gürcüstanlı Saba İnaneşviliyə uduzub və yarışdan kənarlaşıb.

Qadınlar +78 kq çəkidə Mədinə Kaisinova 1/8 finalda Özbəkistan təmsilçisi İrişkon Qurbanbayevanı məğlub edib. Kaisinova 1/4 finalda Xorvatiyalı Helena Vukoviçə uduzub, lakin təsəlliverici görüşə vəsiqə qazanaraq Portuqaliyalı Roşel Nunesi məğlub edib. Bürünc medal uğrunda görüşdə Kaisinova italiyalı Erika Smionettiyə uduzub.

Beləliklə, Azərbaycan cüdoçuları turniri ümumilikdə 5 medalla başa vurublar.

Qeyd olunur ki, turnir oktyabrın 29-da start götürmüş və indiyədək Azərbaycan idmançıları Balabəy Ağayev (60 kq) və Könül Əliyeva (48 kq) qızıl, Rəşad Yelkiyev (66 kq) və Hidayət Heydərov (73 kq) isə bürünc medallar qazanmışdılar.

Mənbə: Offsideplus.az

Hazırladı: GettoSport