Kamavinqaya hücum edən azarkeş cərimə və qadağa ilə üzləşə bilər

29 oktyabr 2026 — Oktyabrın 25-də Kamp Nou stadionunda keçirilən El-Klasiko zamanı Eduardo Kamavinqa və Real Madrid oyunçularına bayraq dirəyi ilə zərbə endirməyə çalışmış azarkeş müəyyənləşdirilib. Hadisə oyunun ikinci qolundan sonra futbolçuların sevinci zamanı baş verib.

Kataloniya polisi həmin şəxsə qarşı idman qanunvericiliyinə əsasən inzibati şikayət təqdim edib və La Liqa məsələ ilə bağlı İspaniya Kral Futbol Federasiyasının İntizam Komitəsinə müraciət edib; araşdırma başlanılıb.

İntizam pozuntusu ağır kateqoriyaya daxil edilərsə azarkeş 3 min avrodan 60 min avroya qədər cərimə və 6 aydan 2 ilədək idman obyektlərinə giriş qadağası ala bilər. Pozuntu çox ağır sayılarsa cərimə 60 mindən 650 min avroya qədər arta, qadağa müddəti isə 2 ildən 5 ilədək uzana bilər. Hadisə nəticəsində xəsarət və maddi ziyan qeydə alınmadığı üçün pozuntunun ağır kateqoriyaya aid ediləcəyi gözlənilir.

Müəyyənləşdirilən azarkeşin "Grada 1957" tribunasında fəaliyyət göstərən azarkeş qruplarından birinin üzvü olduğu bildirilib. "Barselona"nın təhlükəsizlik xidməti həmin şəxsin müəyyənləşdirilməsində polisə fəal kömək edib; toplanan materiallar klubun İntizam Komissiyasına da göndəriləcək və klubdaxili tədbirlərin görülməsi nəzərdən keçiriləcək.

Mənbə: GettoSport